Graet eo bet a-benn ar fin ! Aet eo krennarded Plogoneg da baseal ur sizhunvezh e Llandysul, Hag ur gaer a veaj eo bet evit ar 25 paotr ha plac’h (perzhiad) hag o 5 ambrouger. Kenaozet e oa gant an U.L.A.Mi.R. hag ar C’huzul Gevellañ, e darempred gant Ieuenctid Tysul, a zo ar gevredigezh a ra war-dro diduamant re yaouank Llandysul.
Sañset e oa da vezañ graet e miz Ebrel 2020. Dav eo bet hec’h ampellañ teir gwech (Here 2020, Ebrel 2021, Here 2021).
Dalc’het eo bet an darempredoù gant Steve (den e karg eus Ieuenctid Tysul) e-pad tout ar prantad amzer-se. Ha memestra gant ar re yaouank etrezo, dreist-holl evit eskemmañ diwar-benn program ar chomadenn. a zo bet savet ganto asambles.
Graet o annez eno gant ar Vretoned e Penrhiw, nepell eus bourc’h Llandysul (war-dro 3 "miles"). Lec’hioù a bep seurt ment a zo e Penrhiw : daou hunva en ur savadur bras (anvet ’’Long Barn’’), hag e savadurioù all strewed tro-dro da borzh an atant, annezioù bihanoc’h. An holl a zo bet implijet gant hon tregont beajour ha bleiner ar bus.
Re vras e oa karr-boutin ar vretoned evit mont gant an hentoù strizh ha troidellek a gas eus ar vourc’h da Benrhiw. Dav eo bet ’ta aozañ ur sistem mont-ha-dont (monedonea) etre an daou lec’h gant minibusoù. (Efedus-tre eo bet Steve.)
Gant ar c’harr-boutin ’’divent’-se avat o deus gellet ar Vretoned hag ar Gembreiz mont asambles amañ hag ahont e-pad ar sizhunvezh.
Program ar sizhunvezh.
Sul 10 a viz Ebrel : Loc’hañ eus Plogoneg da 5e45 diouzh ar mintin, Treuzet Mor Breizh war ar ferry Pont-Aven. Degouezh e Llandysul da 7e30 d’abardaez, Staliañ er bod, Boued tomm da goan, priented gant tud Kuzul Gevellañ Llandysul hag hini Plogoneg (daou ezel a oa dija war al lec’h).
Lun 11 : Chomet da ziveureiñ gant an holl, Lein war al lec’h. Goude kreisteiz, degemer gant ar Gembreiz e Ti Ieunenctid Tysul. C’hoarioù, en diabarzh ha war Park ar Sportoù, ha gweladenniñ bourc’h Llandysul gant ar Vretoned, Abardaevezh e Ti Ieuenctid Tysul. ’’Cawl’’ ha ’’Caws’’ da goan profet gant Ieuenctid Tysul, ha ’’Welsh Cakes’’ graet gant Anne (Kuzul Llandysul), C’hoarioù.
Meurzh 12 : Devezh gant Paddlers Llandysul. Diouzh ar mintin : deskiñ da vageal gant ur ’’c’horakl ’’ (’’coracle’’) e Kilgerran. Goude kreisteiz : kayak. Deskiñ roeñvigat war-raok da gentañ, ha war-lerc’h mont gant an Teifi betek (tost betek...) Aberteifi (Cardigan). Abardaevezh e Ti Ieuenctid Tysul : hamburger, c’hoarioù...
Merc’her 13 : Mintinvezh ha lein e Penrhiw evit prientiñ an abardaevezh ’’mod Breizh’’. Degemer ar Gembreiz e Penrhiw e derou an endervezh. Ha dao d’un ’’abadenn viaoua’’ evit an holl er c’hoadoù tro-dro (nemet evit ar re chomet d’ober an toaz krampouezh). Da goan, krampouezh troet gant ar re graet ganto ar staj stummañ ar sizhun a-raok e Lopeo, farzh, gwastell mod Breizh, Un dek bennak a izili Kuzul Llandysul a zo deuet evit paseal ur prantadig amzer gant ar re yaouank.
Yaou 14 : Bretoned ha Kembreiz e Oakwood, ur park dudi e Pembrokeshire. Koan er MacDo, hag abadenn sirk war-lerc’h,
Gwener 15 : Mintinvezh e Penrhiw. Endervezh e Aberaeron da redek ar stalioù... Abardaevezh e Porth Hôtel, profet gant kuzul Llandysul. Karaoke, kanaouennoù... Prezegenn dibenn ar chomadenn. From e-leizh. Kimiadoù. Daeroù ken-ha-ken. Abadenn fromusoc’h evit Marina he deus bet ur prof digant ar familh bet degemeret ganti he zud kozh, pell-pell ’zo, e deroù ar gevellañ etre Plogoneg ha Llandysul (e dibenn ar bloavezhioù 80, er c’hantved diwezhañ).
Sadorn 16 : Loc’hañ diouzh Penrhiw da 9e30 am. Ehan war hent an distro dre ar ’’Brecon Mountains’’ e Llanemddefry (Llandovery) a zo gevellet gant Pluguën. Piknik er Rugby Klub, Pelloc’h war an hent, gweladennin ’’Big Pit National Caol Museum’’, Mirdi Broadel ar Glaou, diskenn e riboulioù (e garidennoù) ar poull-glaou. Lestrañ da 10e noz. Mordreiñ e-pad an noz war ar ferry ’’Armorig’’.
Ferry ha Karr-boutin...
Sul 17 : Degouezh e plogoneg da 1e30 gm.
Kenaozet eo bet vo ar veaj-mañ gant Kevrenn Yaouankiz an U.L.A.Mi.R ha Kuzul Gevellañ Plogoneg/Llandysul, asambles gant Ieuenctid Tysul Youth, a zo ur gevredigezh a ginnig obererezhioù da re yaouank Llandysul a ’r Fro. Herbec’hiet eo bet ar Vretoned e Long Barn.
O kenskrivañ an eil gant egile e oa krennarded Plogoneg ha Llandysul abaoe an distro-skol, e-mail hag a bep seurt doare all a vez kavet bremañ (facebook, instagram...) evit sevel program ar chomadenn.
Hag amañ e vez kaset da benn obererezhioù a bep seurt evit arc’hantaouiñ ar veaj :
d’an 8 a viz Mezheven, e-doug abadenn-ginnig arvest nevez Korriganed ar Meilhoù Glas, eo bet dalc’het ar bar gant tud ar C’huzul Gevellañ hag ar re yaouank.
d’ar 7 a viz Eost, e-doug an devezh "Priñsed eo ar vugale e miz Eost", eo bet kinniget d’an dud ur "banerad da bouezañ", ha dalc’het un "dinell" "Kafe & Gwastilli".
ur Fest-Noz a zo bet graet d’an 28 a viz Gwengolo m’eo bet gounezet ouzhpenn 600€ a-drugarez d’ar ganerien ha sonerien a oa deut a-youl vat.
ar re yaouank o deus roet un taol sikour evit servijañ ar c’hrampouezh e-doug an nozvezh aozet gant Kuzul Gevellañ Pluguën d’ar 5 a viz Here. Trugarez evit ar chekenn a 120€ a zo bet roet.
d’ar 24 a viz Du e vo aozet ur "Foar al Laou" e Sal Sokiosevenadurel ar vourc’h. Titouroù : 06 80 01 38 94.
Ha traoù all ’zo war ar stern :
gwerzhet e vo chokolad da vare Gouelioù dibenn ar bloaz...
ur c’hoari-sac’h (tombola) a vo aozet ivez e penn kentañ ar bloaz ’zo ’tont.
Ar Fest-Noz
Pred krampouezh Kuzul gevellañ Plugüen
Devezh "Priñsed eo ar vugale e miz Eost
Un emvod prientiñ ar veaj gant an Ulamir, ar c’huzul gevellañ ha lod eus ar grennarded