Loc’hañ mintin abred, rust ar mor, arnev ha grizilh war ar gourhent... peadra da vezañ un tammik skuizh o tegouezhout e Llandysul war dro 7e noz d’ar Sul 27 a viz Ebrel. Met teuzet buan ar skuizhder, ken tomm eo bet an degemer !
Ar programm etre al Lun mintin betek Merc’her kreisteiz :
Bizitet eo bet rivinoù Abati Llandudoch, e-kichen Aberteifi, an Iliz, ar Mirdi hag ur Vilin-dour (unan eus ar re bihan o niver a vez c’hoazh o vont endro hag o produiñ) a zo tal kichen.
Pik-nik e Hall Kumun Llandudoc’h.
Bizitet eo bet diavaez Kastell-Kreñv Aberteifi, a zo o vezañ renevezet. Adlidet eo bet, gant gwiskamantoù, banieloù ha... kleze Arzhur, an Eisteddfod kentañ bet dalc’het eno en XIvet kantved. Ha war-lerc’h, staliaouiñ e kêr.
Nozvezh e “Nevadd Tysul” : degemer ofisiel, pred, prezegennoù, sonerezh Breizh ha kanaouennoù Bro Gembre.
Baleadenn heñchet e tro-war-droioù Llandysul evit an “dud deuet”, ha kayak war ar Stêr Teifi evit ar re yaouank (oberezh kinniget gant “Llandysul Paddlers”, kleub kanoe Llandysul).
Endervezh hervez faltazi pep hini e Caerfyrddin (Kêr Varzin), unan eus kêrioù koshañ Bro Gembre.
Nozvezh gant ar familhoù.
Pred kreisteiz e “Talardd Arms”, Pub Ann ha John Jones (tud a zo bet a-viskoazh e-touez ar re feal d’ar Gevellañ).
Muzik e-leizh a-hed ar veaj a zo bet gant an triad Buzhug (Emilie, Aël-Anna hag Abel), hag ivez gant Gabrielle, Claude, hag ar c’houplad sonerien René Merdy ha Jean-Pierre Hélias.